الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

هل الحب في هز السرير ؟

1375664_595730247136117_860766608_n

 

قالو دروب الحب مفروشه بحرير

تاري الحقيقة بتختلف عن الحكي

أحيان عم بيمر بمخاضو العسير

كتيرين من هيك أمور بتشتكي

كاس العذاب بيشربو ما هو عصير

ودروبهن أحيان ما هي سالكي

ما هو سهل هالحب وبطعمو مرير

أوضاع هالعشاق بعضا ملبكي

والشب عايش دوم مجهول المصير

عامين بدو بهيك أزمة ترتكي

والعين ما بتغفل على فراش الحرير

والشمس عم تبخل بنورا حالكي

اياك يوم تحب وبعقلك ضرير

روحك أكيدة بالنهاية هالكي

ما يوم كان الحب في هز السرير

ولاتظن حالك في وسط هالمملكي

خليك متماسك بأعصابك قدير

لا تقول عن حالك أموري سالكي

ولا يوم كان النوم صحي بالشخير

كتر الحكي معروف عنو فزلكي

والحب قاسي كالبرد والزمهرير

لا تدعي وتقول عن حالك ذكي

أكبر غليظ الشب ما عندو ضمير

محبوبتو بتقول ضيعان الحكي

ـــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *