مين اللي علَّم هالمهندس والطبيب؟!

by wisam-mo | 1 أبريل, 2014 10:25 ص

1375664_595730247136117_860766608_n[1]

 

 

 

نسيوك يا مسكين حقك شو سليب
مين اللي علم هالمهندس والطبيب
صاروا رجالات العصر وتجاهلوا
مين اللي صاحب هالفضل أمرن عجيب
ـــــــ
لبسوا هالكرافات رشوها عطور
تا يثبتوا للناس حبن للظهور
كان الهدف في مظهرن جسر العبور
صحوة ضمير بظن ما بحاجة لبيب
ــــــــــــــ
اياك تنسى يوم فضل معلمك
حتى الأمانة بعد منو سلمك
يا ريت بعدو تكون حامل منجلك
تا تحصد الغلة يا شاعر يا أديب
ـــــــ
هالعين ما بتعلى على الحاجب أكيد
هيك مثل ما بظن ع المتلك جديد
واللي يعلمنا حرف لأجلو عبيد
اياك تتجاهل مثل ما هو غريب
ـــــــــــــ
فقر المعلم صار أكبر مشكله
وظروف عما تمر أسوء مرحله
بحاجة حلول تكون هيك مسأله
بدنا لوضعوا يكون في عندو رقيب
ــــــــــــــــــــــــ
بهنيك في هالعيد ع كل الظروف
يا معلم الأطفال ع نطق الحروف
متل القمر بيمر في حالة كسوف
مهما الأمور تكون في رأيك مصيب
ـــــــــــــــ
نورك أكيده يوم رح يمحي الظلام
وتكون بين الناس عالي بالمقام
ويعلقو لك ع الصدر أكبر وسام
يا طا ئر الفنيق لحن العندليب

Endnotes:
  1. [Image]: http://kfarbou-magazine.com/wp-content/uploads/1375664_595730247136117_860766608_n.jpg

Source URL: https://kfarbou-magazine.com/issue/6841