السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

المقابلة في بيت جارتنا

565454

 

يا بعيد عني طولت الغياب

شو نسيت سهراتك بضيعتنا

تارك وراك سنين ها لأحباب

مايوم كان الهجر عادتنا

بعتم الليالي بنطرك ع الباب

عرفوا بهوانا شباب حارتنا

ع فرقتك عم بفقد الأعصاب

ولا عاد فكرنا براحتنا

ع الدوم كنت بعدد الأسباب

تاقابلك في بيت جارتنا

اشتلقوا علينا الأهل والأصحاب

صارت ع كل لسان قصتنا

بيناتنا في كان حيط وباب

ريح الغوالي سكن غرفتنا

كتبت القصيدة حفظتها بكتاب

بلكي المحبة يوم جمعتنا

تاري الدهر أحيان شو غلاب

ولافرغت من الحب سلتنا

بصللي لا الله بدخل المحراب

يتتم زواجي في كنيستنا

ــــــــــــــــــــــــــــــــــــــــــــــــــــ

يا حيف علي يهاجروا من الدار

مين أرض الوطن   يميها

يبس الكرم يبست ورود الدار

أهل المدن هجرت مبانيها

وبهيك أزمة تبحبحوا التجار

ولاعاد نسبة ربح ترضيها

شو هالأسى بقلوبنا شو صار

 ولا ضل أخضر في بوادينا

والورد بدو يفتح بآذار

الحقوق ترجع لا أهاليها

ــــــــــــــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *