شو المشكلة لو يوم قبَّلت الخدود ؟!

by tone | 30 أبريل, 2014 9:13 م

[1]

شو المشكلة لو يوم قبلت الخدود
كان الغزل بالحب آخر مرحله
لو يوم غيري حاول يمس النهود
بعمل جريمه كتير سهله المسأله
يا ظالمة بالحب ما بتوفي الوعود
للعاشق الولهان ما هي مرجله
في معبد العشاق مابينفع سجود
لو كانت قلوب الحبايب موحله
والعاشق الولهان كافر بالوجود
معشوقتو لو كان عندا دوبله
الشب اللعوب ما بظن ماعندو صمود
لو هزتو بليله رياح العائله
والبنت لو تجاوزت كل القيود
عنها البشر قالو بنت مسترجله
والاعتدال بظن أحلى من الجمود
والعنجهيه بظن عين البهدله
يا شب أوعا تكون في طبعك حقود
صعبه عليك تسير درب الجلجله
ما حلى العشق والحب بعراك الزنود
بيضل ذكرى للأبد يا غافله
قدَّام رب الكون شو عندك ردود
لو عاش محبوبك بأرض القاحله
الحب الوفي ع الدوم بيسجل خلود
بيضل باقي الناس كلا راحله

 

ــــــــــــــــــــــــــــــــــــــــ

Source URL: https://kfarbou-magazine.com/issue/7093

---