الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

الراحل حسان يناجي أمه وأباه بقلم الوالد المفجوع ميخائيل تامر

1375664_595730247136117_860766608_n

 

 

10306545_710158205693320_4693708334998551510_n [640x480]

 

 

 

 

يا أمي شهر ع فراش المنايا
الأطبا عجزت تلاقي دوايا
يا بي وصيتك تارك العيله
زوجة معترة وميشو ضنايا
ــــــــــــــــــــ
يا أمي الدهر حطَّم لي شبابي
كتير كتير عجَّل في غيابي
أنا اللي تركت من بعدي مصابي
حمْل تقيل بيهز السَّرايا
ــــــــــــــــــــــــــــ
يا بيِّ تركتْ لكْ ميشو أماني
من الحرمان دَخْلكْ لا يعاني
يا بيَّ أنتْ من بعدي مكاني
يا بيِّ أنت ما بْحاجة وصايا
ـــــــــــــــــــــــــــــــــــ
يا أمي الدهرْ شو بيحمل مآسي
طير غراب حوِّم فوق راسي
طبع غراب ع المسكين قاسي
بعدْ مرَّات عم يكسر حنايا
ـــــــــــــــــــــــــــــ
يا بيِّ اليوم زرتكْ بالمنامي
عليِّ ما قدرتْ رد السلامي
يا بي خود عبرة من كلامي
أنت معروف صافي بالنوايا
ــــــــــــــــــــــــــــــــــــــــ
كل الناس تعرف مين حسان
ولا عمري خاصمت شي يوم جيران
الدهر للطيبين كتير خوَّان
للمسكين حاملو رزايا
ـــــــــــــــــــــــــــــــــــــ
خطأ طبي يا أمي كان قاتل
كان الخطأ في عدة مراحل
على الخدين دمعي كان سايل
عندْ ما الدم يدخل ع الرَّوَايا
ـــــــــــــــــــــــــــــــــــ
يا بي أنت شيَّال المصايب
حظَّك دوم في هالدني غايب
سوء الحظ شو بيعمل عجايب
للمسكين حاملو خفايا
ـــــــــــــــــــــــــــــــــــــــ
ع قبري شعِّلي بخور وشموع
صللي, والبكا ع القبر ممنوع
غيابي ما إلو رده ولا رجوع
يا أمي- ألتقي فيك مُنايا
ــــــــــــــــــــــــــــــــــــــــ
يا أمي ازرعي وردات جوري
على قبري وشمِّي من زهوري
شجرة فوق قبري من الضروري
تفِّي ع القبر كل الزوايا
ـــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *