الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

يا حيف ع الأوطان تهجرها الأسود

101_7811نسخ [640x480]

يا حيف ع الأوطان تهجرها الأسود
بعد الوطن مالك مكان بهالدني
لابد إلا يوم ع أرضك تعود
وبشجرة الليمون بدك تعتني
مهما عبرت بلاد وجاوزت الحدود
لمين تارك في بلادي مسكني
رح يفرضو بغربتك عدة قيود
لأجل المعونه للقيود بتنحني
بلادك يا نور العين عنوان الصمود
مهما المغول يخربو رح تنبني
إياك يوم تصدق بكتر الوعود
تايخدعوك تكون في الغربة هني
بعض البشر بيعيش حاقد أو حسود
كل الفواحش لأجل حقده ممكني
خلي براسك دوم للباغي ردود
بدوا الهزيمة ع العقول مهيمني
ما همنا لو زارت بلادي وفود
عندا مآرب في عقولا كامني
لا تخاف لو هبت عواصف او رعود
تحمل روائح من بلادك آسني
معروف عنا دوم من عهد الجدود
ما يوم نقبل بالهزيمة الواهني
ــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *