الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

شو بينفعك مال الحرام بهالدني

101_7811نسخ [640x480]

شو بينفعك مال الحرام بهالدني
بالآخرة مالك شفيع ولا معين
الأفكار شريرة عليك مهيمني
مهما جمعت من مال رح تبقى حزين
سارق لقوت الشعب بدك تنحني
قدام رب الكون تطأطئ هالجبين
عمالك مشينة بالفعل متهجني
للجائع المحتاج ناصبلو كمين
كافيك في جمع الدراهم تعتني
طماع عايش دوم ع مر السنين
عيشْ القناعة بأفكارك غني
بكتاب أهل العلم بدك تستعين
كل الأمور بحب قلك ممكني
لو عشت بين الناس متواضع أمين
يا ريت بخيام المحبة مسكني
ولا عيش بقصور الظلم خانع رهين
بقصور فخمة كتير عالم قاطني
من بعض هيك قصور عم تسمع أنين
ما بظن لك محتال بعيشو غني
ولا يوم كان الدائن بيرحم مدين
ارحم بشر بكواخ بعضا ساكني
لا تحط يوم الطمع ع جنب اليمين
الطيور كافيها اله الكائني
ولايوم من بيدر جمعت خزين
كل الخليقة بفضل الله مأمني
من ما بتجمع قمح بتخزن طحين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *