مات الفقير ولا حدا دريان

by tone | 2 نوفمبر, 2014 10:09 م

 

101_7811نسخ [640x480][1]

مات الفقير ولا حدا دريان
موتة فقير وفاحشة من شي غني
ليش بيميز بني الإنسان
بيهمل شخص وبغير شخص بيعتني
قالوا الموت بيشبه الطوفان
هالبشر كلا زايله من هالدني
سماك البحر مأكول للحيتان
للقوي غصب الضعيف بتنحني
لو جمعت حزمة من العيدان
صارت قوية ما بتكسرها بسني
إياك تتخلى عن الإحسان
خلّلي المحبة ع السلوك مهيمني
الشعوب يا ما أسقطت تيجان
بقصورها الغربان صارت ساكني
خليك يا بني حامل الإيمان
كل الأمور إن شاء ربك ممكني
لا تعيش في ظلم البشر غرقان
هيك ظلم بيمارسوا ابن الزني
الملوك تتساوى مع الرعيان
بالآخرة بهني القلوب الليني

Endnotes:
  1. [Image]: http://kfarbou-magazine.com/wp-content/uploads/101_7811نسخ-640x480.jpg

Source URL: https://kfarbou-magazine.com/issue/8074