ع فرقتك صرلي شي ست شهور

by wisam-mo | 4 ديسمبر, 2014 9:23 م

ع فرقتك صرلي شي ست شهور

(بمناسبة مرور ستة أشهر على رحيل ولدي الشاب المهندس حسان تامر)

[1]

ع فرقتك صرلي شي ست شهور
بالهم عايش بالدني مقهور
يا رب قادر يوم تجمعنا
يا رب قرِّب يوقع المقدور
ــــــــــــــــ
رح جاورك يا بني بدار الآخره
بشباب متلك هالمقابر عامرة
الأسباب حتى كون جنبك وافره
ع قبورنا تا يشعّلوا البخور
ـــــــــــــــــــــــــــــــــــــ
(ميشيل) يا بني صار عنَّا بعيد
وارتفع ضغط الدم في حبل الوريد
يا بني عليك الأمر ما هو جديد
الغاية ياعيني يقتلو الناطور
ــــــــــــــــــــــــــــــــــــــــ
العاجز ع حب الناس قلبو من حجر
ع المجتمع ع الدوم بيشكل خطر
هالأرض حتى ترتوي بحاجة مطر
بحاجة حراثه بحاجة المعدور
ــــــــــــــــــــــــــــــــــــــــــ
فارقت يا بني هالدني بعز الشباب
حسرة تركت بقلوب هالأحباب
وحمالنا تقيله ع هيك مصاب
بعيونا هالنوم ما عدلو حضور
ـــــــــــــــــــــــــــــــــــــ
سامع يا ربي دعوة المهموم
تنصر على كل ظالم المظلوم
قلبك يا ربي كبير بعمالك رحوم
قلبك يا ربي بالعطف مغمور
ـــــــ
حكم العدالة ع البشر عمرو طويل
يمكن قبل أو بعد ما يكون الرحيل
شو ما عملت فينا ترى يمكن قليل
الحساب عندك دوم ع مر العصور

Endnotes:

[Image]: http://kfarbou-magazine.com/wp-content/uploads/10306545_710158205693320_4693708334998551510_n-640x480.jpg

Source URL: https://kfarbou-magazine.com/issue/8247