السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

إياك تحرم بنت

101_7811نسخ [640x480]

إياك تحرم بنت وتخون الضمير
قدام رب الكون بتلاقي المصير
ما بينفعك صوم وصلاة الآخرة
شو البنت زوجتا ولفيتا بحصير
********
بالآخرة يا حيف في عندك ندم
بتضل حتى الموت بتعاني الألم
لا تبرر فعال الرديئة بالحكم
مهما تبرر هالحكي مخاضك عسير
***********
فكر بعقلك قول في عندي حساب
بعد الممات نسيت دوق العذاب
خليك صاحب رأي تجاوز هالصعاب
بالعاطفة لا تكون أعمى يا بصير
************
عيش السعادة بهالحياة الفانية
الموت قادر يخطفك في ثانية
يمكن الزوجة تكون هي الجانية
إياك تشرب كأس دمك بالعصير
********
بنتك وابنك بالقرابة واحدة
هيك أمورك لالحياة الخالدة
والروح لارب الخليقة عائدة
عقابك جهنم نار فيها وزمهرير
***************
واجب علينا الغافل نقلو حرام
في داخلو بعيش السعادة والسلام
والبعض منا يقنع بحسن الكلام
بين البشر ما بيصغر بيبقى كبير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *