خليك صاحب فكر متواضع رحوم

by tone | 6 فبراير, 2015 2:05 م

[1]

جابه الظالم ناصر المظلوم
عنك الناي تقول صاحب مرجلي
خلِّي كلامك للبشر مفهوم
فيك الصفات النيِّرة متكملي
خليك للمسكين حامل للهموم
ساعد ضعيف الحال أول مرحلي
عمرك قصير بهالدني محتوم
تذكَّر حياة اللي انصلب ع الجلجلي
لا تعيش يوم بهالعمر مكتوم
كل الخليقة يا صديقي راحلي
بتساعد المحتاج والمحروم
يؤمن رغيف الخبز عندو مشكلي

خليك صاحب فكر متواضع رحوم
لا تكون قاسي الطبع صعبة المسألي
لا تجامل المحتال بادر بالهجوم
عشنا يا حسره اليوم عصر الدوبلي
صاحب مواقف صادقة عند اللزوم
بتحل أكبر مشكله أو معضلي
مكروه بين الناس متل البوم
عم يستغل الناس بعضا غافلي
ما في شخص عن الخطأ معصوم
قدام رب الكون كلَّا ماثلي

Source URL: https://kfarbou-magazine.com/issue/8683

---