بالورق ، بالفيّ ، بالنبعات

بالزيّح جناحك بريشة نور

بالمرجحك مع زرقة النسمات
بتطير ياعصفور

ع َ كوخ من وزّال

غويان، سقفو زهور ،

مفروش بالعنبر،

َوحَبّ الندي الأخضر :

دنيي ظلال ظلال ،
بتقشع عريشي ، وباب

بفيّتا مزوي ،

وحلوي بايدا كتاب ،

سّلّم على الحلوي

ونْ هديتْ رياحك

بتمرمِغ جناحك
عَ السَّطح ع الحيطان ،

عَ تياب مدريـّي

عَ البسط ، ع القمصان ،

عَ كل شي تخزَّقْ

عَ المقعد الأزرق ،

عَ القمر السكران

البيزكرّا فييّ ،
ونْ كان ما في شي

من حبنا باقي ،

بِتسكِّتْ الساقي

يا طير، وبتمشي ،
وبتغط ّ تحمليّ ،

يا من هك ِالتليّ ،

يا من هداك الغابْ ،

شي زكر، شي قشّي ،
ومن خرتشة ديها

ومن تحت اجريها

شي نقدتين تراب .
ورح حلفك بالغصن يا عصفور .