by tone | 30 مايو, 2015 10:55 م
[1]
. وديعيات الصافي ..
بين عملاق الطرب والفن الكبير وديع الصافي ، والشاعر الكبير ميشال طراد.
رَح حلّفك بالغصن يا عصفور،
بالورق ، بالفيّ ، بالنبعات
بالزيّح جناحك بريشة نور
بالمرجحك مع زرقة النسمات
بتطير ياعصفور
ع َ كوخ من وزّال
غويان، سقفو زهور ،
مفروش بالعنبر،
َوحَبّ الندي الأخضر :
دنيي ظلال ظلال ،
بتقشع عريشي ، وباب
بفيّتا مزوي ،
وحلوي بايدا كتاب ،
سّلّم على الحلوي
ونْ هديتْ رياحك
بتمرمِغ جناحك
عَ السَّطح ع الحيطان ،
عَ تياب مدريـّي
عَ البسط ، ع القمصان ،
عَ كل شي تخزَّقْ
عَ المقعد الأزرق ،
عَ القمر السكران
البيزكرّا فييّ ،
ونْ كان ما في شي
من حبنا باقي ،
بِتسكِّتْ الساقي
يا طير، وبتمشي ،
وبتغط ّ تحمليّ ،
يا من هك ِالتليّ ،
يا من هداك الغابْ ،
شي زكر، شي قشّي ،
ومن خرتشة ديها
ومن تحت اجريها
شي نقدتين تراب .
ورح حلفك بالغصن يا عصفور .
Source URL: https://kfarbou-magazine.com/issue/9228
Copyright ©2024 مجلة كفربو الثقافية unless otherwise noted.