بين إمرأتين

by tone | 30 يونيو, 2015 8:03 م

[1]

مرأة تعمر البيت المهدَّم
ومرأة تهدم قصور العلالي
خراب البيت ع الزوج المتيم
إذا مغروم فيها من النعالي

من التفكير لو أنو معقم
عقلو غاص في كوام الوحالي
بتبني من خطأ أهلو مجسم
الخطأ من أهلها ضمن المجالي
الحقد عندا على أهلو محتَّم
بعيونو ذرت غبار الرمالي
ما قلَّلا يوم شوعملت يا مريم
أهلا دوم عندو من الغوالي
طعاما ليس ع أهلها محرم
شرابا للأهل حتى الثمالي
قريبا دوم في بيتا مكرَّم
مقامو دوم كصاحب جلالي
قريب الزوج بيتا لوبيقدم
ما ظن يعيدها ابن الحلالي
لو ما زار بيتا كان أسلم
الأفضل يقطع حبال الوصالي
إذا بتعاتبو مرة تلعثم
ع بيتو يوم لا تشد الرحالي
ــــــــــ

Source URL: https://kfarbou-magazine.com/issue/9397

---