الاثنين 1يناير 2024: هيئة التحرير وادارة موقع المجلة تبارك للجميع بحلول عام جديد متمنين لكم عاما مليئا بالخير والمحبة راجين من الله أن يعم السلام كل سورية ودمتم بخير ..  * 

سورية مجدها ما بينحني

يا بني سورية مجدها ما بينحني

ربك إله الكون فيها بيعتني

مهما الغزاة يدمروا بنيانها

بيرجعوها بهمة رجالا بسني

ـــــــــ

صهيون عم يتأمروا من زمان

شلة حثالة بتدعما الغربان

فتحوا الحدود الأهل والجيران

من بعد ما كانت حدودا آمني

ـــــــــــــــ

قتلوا الطفل والأرمله حتى اليتيم

تعدوا على بنياتها حتى الحريم

يا حيف ابن بلادنا يكون الغريم

بقلوبهن أحقاد كانت كامني

ـــــــــــــــــ

صحوة ضمير بظن صرنا بحاجتا

أجيالنا حتى تحقق غايتا

عالي السما بتصير ترفع رايتا

ببيوتنا الأوغاد صارت ساكني

ـــــــــــــــــــ

بدنا المهجر يرجع يعيش بأمان

حتى على الأعداء تكسب هالرهان

وبغير أرض الوطن ما عنا مكان

العيشة بغير الوطن شو مستهجني

ـــــــــــــــــــ

شدوا العزيمة بنطرد الأعدا أكيد

جيش وشعب بالمعركة صامد عنيد

نفدي الوطن بالدم بحبال الوريد

أيامنا الحلوة بترجع ممكني

ـــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *