الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

المهاجر

                 

يا مسافرين ارجعوا طولتو الغياب

بلادي اشتاقت لأهاليها

واللي مهاجر وطن بعاني العذاب

كلمة وطن محلى معانيها

عانيت يابني بغربتك حمل الصعاب

وانسيت رفقاتك أساميها

لو بسألك ما بظن في عندك جواب

عشاق عم تهجر غواليها

قديش صعبي توصلك كلمة عتاب

محبوبتك جفت مآقيها

غلطان يابني ارجاع ع درب الصواب

شو نفع هالغربة ومبانيها

محلى الخيام مشرعا الأبواب

شامخا بعالي روابيها

ع جنب نبعة مي لو تقرا كتاب

بتسوى الغربة وكل ما فيها

كاس المدام يكون جنبك والحباب

شلال يصدح في سواقيها

بيرضى عليك الرب بتنال الثواب

لغيرك الغربة تخليها

ــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *