(قصيدة رثاء للراحل درغام سلوم سلوم كتبت يوم رحيله 16-8-2004 م وننشرها اليوم بمناسبة مرور عشر سنوات على رحيله (رحمه الله)

صاحب القلب الطيب المسكين
فارق الدنيا وتركنا للعذاب
بعرفو عن قرب كتلة من الحنين
ربَّى ولادو مهذبين طياب
تربى يتيم تمرمر بعمرو سنين
من عطف بيُّو انحرم يا أحباب
عاش الطفولة بس الله معين
أمُّو لأجلو ضحت بعز الشباب(1)
لحظة فراقو صرخو المحبين
بركة العيله عن الدنى غاب
صافي النوايا مين متلك مين
تموت فجأه ما حسبنا حساب
حملو النعش مجموعة معزيين
حضروا الجنازة الأهل والأصحاب
رح يذكروك الناس حيناً بعد حين
ويدوّنوا ماضيك ضمن كتاب
فيك البراءة يوم بتشكل جنين
الجنة بقدومك فتحت الأبواب
لزور قبرك حاملك رياحين
ابكي وصلِّي وعدِّد الأسباب
بساعة وداعك كان بو الليث الحزين(2)
مغرِّق بدمعوا الحواجب والهداب
في صوت خافت قال نحن شاكرين
كل اللي حضروا صحاب مع أنساب
ـــــــــــــــــــــــــــــــــــــــــــــــــــ
1- أم الراحل : المرحومة نزهة سمعان أخت المرحوم وحيد السمعان .
2- أبو الليث: ابنه الأديب الشاعر سلوم درغام سلوم

ـــــــــــــــــــــــ