الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

ملاحق بنات الهوى

101_7811نسخ [640x480]

بعض البشر شبه الوحوش الكاسره
دم الفقير بتشربو شبه المدام
والطيبين بهيك حالة نادرة
ع الدوم بتفرق حلال من الحرام
لو تاجروا بالدهب أهلا خاسرة
بتحمل مبادئ دوم ع صدق الكلام
ولا يوم بجيوبو الدراهم وافره
بحاجة رغيف الخبز مع لقمة طعام
طول العمر عاشت ظروفا قاهرة
همَّا الوحيد تعيش في حالة سلام
من هالحياة بظن دوماً ساخره
ولا فكرت بقصور بالأحلام
المحتال دوماً طاولاتو عامره

عند هدف صيد الغواني والغرام
كل يوم عندو بالملاهي عسكره
ملاحق بنات الهوى حتى بالخيام
بيقول ع فلانه: الليلة مسوكره
أغريتها بالمال هزيت العظام
أعمالك أمام الرب صدقاً منكره
لا تظن في هيك عمل نلت الوسام
المرأة اللعوب بهيك حاله شاطره
بتفرغ جيوبك من موالك تمام
الزوجة الكريمة تعود إلها ناطره
فكِّر بعقلك عيش في حالة وئام
لا تفكر تعتدي ع قاصره
طعن الكرامة للشرف فعل انتقام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *