ننتظر دعمكم للمجلة بابداعاتكم وتطلعاتم في جميع المجالات وفصح مجيد وكل عام وأنتم بألف خير  *  وأخيرا" كلمة الختام ومسكه بقلم الأديبة والقاصة لما عبدالله كربجها التي تحدثت بمادة عنوانها : الدين هو الله  *  وبعدها تطل لوحة العدد ومسابقته لتأتي الهمسة الروحية التي تتحدث عن دم المسيح بقلم الخورية أنطوانيت رزق  *  وبعدها طل حوار العدد مع الفنان التشكيلي مصباح الدروبي الذي حاورته المبدعة والقاصة لما كربجها  *  ثم تلت الابداعات المتنوعة من شعر وقصة وخاطرة للمبدعين , وبعدها جاءت المقالات الغنية بكل المجالات الاجنماعية والأدبية  *  بمناسبة حلول الفصح المجيد صدر العدد الفصلي لموقع مجلة كفربو الثقافية / ربيع 2017/ تصدرت فيه الافتتاحية / الفصح وواجبنا الانساني / بقلم رئيس التحرير  * 

“حاجي هجر “

10320504_1389732807980171_5815837030937742113_n

مجنون يا قلبي بعد مجنون
شو مجننك كنو سحر العيون

بتمر عابكير تتصيد الحجل
بتنصاد ومابتعرف بشو مفتون

وجعت قلبي أنت ياطيوب
ولبست أبيض عاكنز مكنون

ماكنت التلي بلا من الحب
وصدقت قولك والجنون فنون

مرقت عليك سنين بعد سنين
وتخمين تعرف انت وين تكون

دقت صبيه الباب والأيدين
عم يرجفوا كنو اجا كانون

طلعولها الجيران صاحوا مين
قالت أنا فيروز من كحلون

لو تعرفوا هالشب يلي هون
قالولها هاجر لمرج عيون

بكيت ودمعاتا على الخدين
عم تغسل التفاح والليمون

بلحظه ياعمري وجهها يحمر
بلحظه ياقلبي ميت لون بلون

منشان الله بتعرفوا العنوان
قالولها تخمين مش مضمون

فيروز بكيت وبكيت الجيران
يلعن أبو هالحظ شو ملعون

رجعت وخاطرها انكسر ياحيف
وتذكرت هالبيت والطاحون

وكيف كان عند الصبح هالمشوار
للحقل حتى تقطف الزيتون

صار المسا يلا تعوا تنفل
والغزل بالقلبين شو مرهون

وهي عم تخبص بهالأحلام
وقف بحدا شخص شو مزيون

قلا مسا الخيرات بدها ترد
شو تلبكت بالرد كيف يكون

ماعرفتني قلا لاوالله بعد
قالت أنا فيروز ياشهيون

ضما لصدرو وصار فيها يدور
شاهين اسمي يابعد العيون

حاجي هجر مشي معي عالبيت
تنشعل الحطبات بالكانون

 

 

 

 

 

 

التعليقات: 1

  • رئيس التحرير قال:

    ايقاع الزجل الجميل الذي يدخل القلب ويعانق الروح وما أجمل من الغزل عبر كلمات الزجل وخاصة من جمرة من شجرة معمرة … وتطل العيون حالة من الفتنة والكهرباء تضطرب الأمور في داخل الانسان .. مرحباً بالشاعر عدنان كبيسي أتحفتنا بهذه القصيدة وانا اتذكر مقاطع الجوقات الزجلية في لبنان تصدح بها الأصوات الجميلة … نتمنى التواصل الدائم … سلوم درغام سلوم

أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>