الابن:
أنا مهاجر يا أمي ودعيني
كفانا قصف مع نصب الكميني
جموش الأرض مجتمعة علينا
تعيس بعيش ع طول السنيني

الأم:
يابني الأمل برجال الميامين
اللنصر بحققو بكل الميادين
ترى اليرموك شاهد لنا وحطين
سلاح العز في أيدي أميني
الابن:
يا أمي الناس للمجرم ضحايا
ما عمرا هيك كانت هالمنايا
مجلس أمن ما ييحل القضايا
قضية حلها منك عطيني
الأم:
ما كان الحقد يابني يوم باطل
مهما تخاذلوا بهالمحافل
بدنا نحارب بكل الوسائل
حتى النصر نكتب ع الجبيني
الابن:
يا أمي للوطن أنت وفيه
على كتافك حملت هالقضية
كنت ع اليأس دوماً عصية
أنا يائس يا أمي سامحيني
الأم:
الصبر ع الضيق يا بني شجاعة
مهما اشتدت ظروف المجاعة
الهروب من الوطن حامل بشاعة
الجبن والخوف لا تقلي اسقيني
الابن:
ما رح هاجر لأرضي في حياتي
الوحوش بقاموما حتى المماتي
الجبن والخوف ماهي من صفاتي
حليب الشرف كنت ترضعيني
ـــــــــــــــــــــــــــــــــــ