الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

عمر الورد يا حيف بالدنيا قصير

(رثاء الراحل المرحوم مطانيوس حدو تامر) 

عمي يا بو بسام غارت الدنى

عانيت من المرض أكثر من سني

كنت الصديق الوفي والعم الحنون

الرحمة بقلبك دوم كانت ساكني

**

 

عمر الورد يا حيف بالدنيا قصير

رغم العناية يواجهوا أسوء مصي

ر يا عميد العائلة كنت الكبير

بكبيرنا وصغيرنا عم تعتني

**

مهما ذرفت دموع ع فراقك قليل

بعدك أنا يا عم مرضان وعليل

معروف عنك شهم صانع للجميل

بصدقك جميع الناس كانت مؤمني

**

كنت المعين بكل أمر ومسألي

حامل مبادئ على طريق الجلجلي

بكينا على فرقك حتى الولولي

والعيد عنا مر غيمة داكني

**

ع قلوبنا محفور رسمك للأبد

ذكراك باقي عند كل أهل البلد

ولا يوم فعل الخير عنك ابتعد

راضي عن فعالك رب الكائني

**

ذكرى وفاتك صار يوم الاربعين

وحدو اله الكون ع فراقك معين

بقلوبنا غصة مع لوعة وحنين

لو ضحكت الأيام مرة خائني

**

لزور قبرك حامل البخور

مع باقة المرجان والمنتور

حتى الحمام ينوح والعصفور

بدعي لربي تعيش بالجنه هني

**

أمانة ربنا سلم ع حسان

بدار الآخرة باللحد جيران

معي يا عم كان الدهر خوان

هدَّم عمود البيت ما رح ينبني

**

رحم الله عمي وولدي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *