السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

أسرق من الرمان شي قنطار

565454

 

 

غارق بحبك خمس ست شهور

والقلب عم بيقاوم الاعصار

مظلوم عايش بالهوى مقهور

بيلومني حتى أعز الجار

بحب العتم ما عاد حب النور

يا نور عيني طال هالمشوار

تاري العشق والهوى شو مقدور

ما عاد عنك وصلت الأخبار

دبل الورق بالحوض والمنتور

تاري الورد بيكشف الأسرار

ولا عاد عنا غرد العصفور

عرفان شو اللي جرى وشو اللي صار

يا ما بنينا في هواك جسور

ولا كان حبك يوم بالدينار

لو تعرفي شو عملت بالناطور

حتى هرب بالحال يم الدار

متل الحرامي اقطف ومسرور

اسرق من الرمان شي قنطار

قالوا العاشق لو سرق معذور

ولا كان همو تذيع هالأخبار

قلب المتيم بالهوى ممهور

ولا كان عمرو بالوعد غدار

بلحظات ضعفي وقع هالمقدور

تمنيت لو كنت بعقل ختيار

لا روح ع دير المخلص زور

عللا بصلاتي يقبل الأعذار

ـــــــــــــــــــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *