السبت 4 كانون الثاني 2020: موقع مجلة كفربو الثقافية يطلق العدد السنوي 2020م ضمن سلسلةاصداراته وكل عام وأنتم بخير...  * 

يا حيفي …الوطن في حاجة غيارى

101_7811نسخ [640x480]

لبعض الناس المهاجر ضحية

صاروا يتاجروا بهيك قضية
بدل ما يساعدو المحتاج بالمال

 صاروا يسرقوا منو المهيه
ــــــــــــــــــــ
يا حيفي الوطن في حاجة غيارى

على الإسلام حتى ع النصارى
حتى نعيد للناس اعتبارا

نرجع للكرامة اليعربيه
ــــــــــــــــــــــــــ
وعدوا للمهاجر بالمغانم

 البعض منها وقع في يد ظالم
علينا نشكل بوجهن محاكم

 بأيادي ناس لبلادا وفيه
ــــــــــــــــــــــــــــــــ
الوطن عم يحترق بدوا رجالو

 حتى يعود لمجدوا وجمالو
بعض البشر عم تسرق غلالو

ولا عمرا بمالها كانت سخيه
ــــــــــــــــ
الكرم بالفعل ما هو بالحكايا

دوم بتسبقوا طيب النوايا
لفعل الخير بتشكل خلايا

 بروسا شاعله روح الحميه
ــــــــــــــــــــــــ
ابحثوا عن ناس من أهل النزاهه

ولا بدنا ناس بتحب الوجاهه
البعض مجبول في طبعو سفاهه

 ولا مرة كانت فكاروا نقيه
ــــــــــــــــــــــ
هدمنا الوطن بأيدي عميله

 رفعنا راية الحقد الذليله
صرنا اليوم نبحث عن وسيله

حتى نعيد أمجادا سويه.
ـــــــــــــــــــــــ

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *