يا ملح فاسد وين ملحك يا الطعام
وين المحبة وين رحلو أهلها
أغلب بيوت الناس فيها انقسام
ما قلت كل الناس يمكن جلها

ما عاد بنفرق حلال ولا حرام
تصحى البشر من هيك غفلة حلها
حتى الطفل ما عاد عندو احترام
درب المودة شذ عنها وضلها
ولا عاد نقرأ عن تواريخ العظام
ولا عاد بنشم الزهور وفلها
والبعض حاقد صار عايش ع الخصام
والناس حوله صار بدو يذلها
÷÷÷÷÷÷
بدنا الماضي نرجعو نعيد السلام
ع بيوتها هالناس ترجع كلها
نور الحقيقة يشع من بعد الظلام
بعد الدمار البعض تصحى علها
نهضة من العمران أضحت كالركام
هدمو المعامل بعد سرقا كلها
عاشت مسيحية مع الاسلام
أهل المبادئ ما بتنكر فضلها
يا بني كفانا نعيش ع الأوهام
مسلم مسيحي الغرب بدو فصلها
صهيون أشعل حربنا للانتقام
بلاد العروبة يقطعوا أوصالها
كلمة نصيحة بوجها آخر كلام
كلمة عروبة نعيدها لأصلها