الأحد 20 كانون الثاني 2019 : صدر العدد السنوي 2019 ضمن سلسلة اصدارات موقع مجلة كفربو الثقافية , فأهلا وسهلا بكم في موقعكم لتصفح المواد الثقافية المميزة ..  * 

قبلة على الخدين رح تحي العظام

 

 

مش عيب يا هالقلب واقع بالغرام

بتألف الأشعار بتناجي الحبيب

كافيك يا هالقلب تتعذب حرام

عايش يا حسرة بين خلانك غريب

خلّي دوا للحب كاسات المدام

بتكون بين الناس ع الغالب مصيب

حاجي تقلي بحب كافيني كلام

مهما حكيت بداخلك عايش كئيب

عم تنقصك كلمة حبيبي يل سلام

بالقلب عمبتكون بتطفّي اللهيب

قبلة على الخدين رح تحيي العظام

بتصير شاعر بالهوى أكبر أديب

عايش بصحرا ع التعبد والصيام

قديش ما بترسم على صدرك صليب

المسن لو بيحب يا طير الحمام

رمز الوداعة بصوت طائر عندليب

يا شيخ هالعشاق عايش بالهيام

ولا يوم فكّرت الظرف سيء عصيب

الحب الوفي ع الدوم من طبع الكرام

حامل مبادئ قيِّمة صدرو رحيب

في ناس تدفن روسها متل النعام

بالحب في عندا تكتُّم شي رهيب

بتهاجم الحلوين لو كانوا نيام

طعنات عندك بالهوى بتصيب

حكمت عليك المحكمة إعدام

غدَّار لو حبَّيت متل الديب

 

التعليقات: 2

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *